• 6.1   "Tibbiy yordam ko'rsatish joyi"

6.1 «Tibbiy yordam ko‘rsatish joyi»  yo‘l belgisi ushbu belgilar toifasiga xos bo‘lgan to‘rtburchak shakliga va ko‘k fonga ega bo‘lib, uning ichida qizil «+» belgisi chizilgan oq kvadrat mavjud.

Ushbu belgi haydovchilarga undan ma’lum masofada birinchi tibbiy yordam ko‘rsatishi mumkin bo‘lgan joy borligi haqida xabar beradi. Belgida harakat yo‘nalishida aynan qanday tibbiyot muassasasi joylashganligi ko‘rsatilmagan: bu dorixona, shifoxona yoki masalan, stomatologiya klinikasi bo‘lishi mumkin. Ushbu belgi tibbiy yordam olishingiz mumkin bo‘lgan muassasaga yaqin joyda o‘rnatiladi. Ammo bu belgini oldindan o‘rnatish ham mumkin.

Aholi punktlarida 6.1 belgisi belgilangan obyektdan 100-150 metr, aholi punktlaridan tashqarida esa 400-800 metr masofada o‘rnatiladi. Ammo belgi boshqa masofada ham o‘rnatilishi mumkin, bu ba’zi hollarda 10 - 15 yoki hatto 70 - 80 kilometrni tashkil qilishi mumkin. Bunday holatda belgining pastki qismida ko‘k fonda tibbiy yordam ko‘rsatish joyigacha bo‘lgan masofa ko‘rsatiladi. Shuningdek, tibbiy yordam ko‘rsatish joyi bevosita yo‘lda emas, balki undan tashqarida joylashgan bo‘lishi mumkin. Bunday holda,  

«Tibbiy yordam ko‘rsatish joyi»  belgisi obyektga eng yaqin chorrahada o‘rnatiladi va belgida ungacha bo‘lgan masofadan tashqari harakat yo‘nalishi ko‘rsatiladi.

• 6.2. «Shifoxona».

Ushbu yo‘l belgisi haydovchiga yo‘lning yondosh hududida shifoxona borligi haqida ma’lumot beradi. Bu yerda birinchi tibbiy yordam stansiyasidan farqli o‘laroq, Siz nafaqat tibbiy yordam olishingiz, balki diagnostika va davolanishdan ham o‘tishingiz mumkin. Bu yo‘l belgisida qo‘shimcha ravishda pastki qismida 7.1.1, 7.1.3 va 7.1.4 «Obyektgacha bo‘lgan masofa» belgilarining tasviri ham ko‘rsatilishi mumkin.

• 6.3. "Yonilg'i shaxobchasi"

Bu belgi bevosita yonilg'i shaxobchasining oldida, belgida ko'rsatilgan masofada yoki manzilga burilish joyida o'rnatiladi. Transport vositasi haydovchilari ushbu belgi yordamida yaqin orada joylashgan yonilg'i quyish shaxobchasining manzilini bilib olishlari mumkin. Belgining quyi qismida manzilgacha bo'lgan masofa metrlarda ko'rsatiladi.

• 6.3.2. Avtomobillarga ko‘p tarmoqli yonilg‘i quyish shoxobchasi

yo‘l belgisi to‘rtburchak shakliga va ko‘k fonga ega bo‘lib, uning ichida ikkita qora va ko‘k to‘ldirish kalonkasi tasvirlangan oq kvadrat mavjud.

Yo‘l harakati qoidalarida haydovchilarni yo‘ldagi ko‘p tarmoqli yoqilg‘i quyish shoxobchasi joylashganligi to‘g‘risida xabardor qilish uchun 6.3.2 «Avtomobillarga ko‘p tarmoqli yonilg‘i quyish shoxobchasi» belgisi o‘rnatilishi belgilangan. Ya’ni avtomobillarga yoqilg‘i quyish shaxobchasining bu turida haydovchilar bir joyning o‘zida bir nechta, masalan benzin, gaz, dizel va boshqa yoqilg‘ilarni olishlari mumkin bo‘ladi.

Ushbu yo‘l belgisi to‘g‘ridan to‘g‘ri ushbu xizmat ko‘rsatish obyektida o‘rnatiladi. Yo‘l harakati qoidalarida  6.3.2  belgisi oldindan o‘rnatilishi mumkinligi ham belgilangan. Bunday holda, ushbu obyektgacha bo‘lgan masofa belgining pastki qismida (ko‘k fonda) ko‘rsatiladi. Bundan tashqari belgi ko‘p tarmoqli yoqilg‘i quyish shoxobchasi transport vositasining yo‘nalishi bo‘ylab emas, balki yo‘ldan tashqarida joylashgan holatlarda ishlatiladi. Bunday holda,  «Avtomobillarga ko‘p tarmoqli yonilg‘i quyish shoxobchasi» belgisi obyektga eng yaqin chorrahada o‘rnatiladi. Belgining pastki qismida strelka yordamida obyekt yo‘nalishi ko‘rsatiladi va ko‘rsatilgan yo‘nalish bo‘yicha harakatlangan haydovchi oldinda avtomobillarga ko‘p tarmoqli yonilg‘i quyish shoxobchasini ko‘rishi mumkin bo‘ladi.

• 6.3.3. Elektromobillarni quvvatlash shaxobchasi

6.3.3 yo‘l belgisi to‘rtburchak shakliga va ko‘k fonga ega bo‘lib, uning ichida avtomobil va to‘ldirish kalonkasi tasvirlangan oq kvadrat mavjud. Yo‘l harakati qoidalarida  haydovchilarni yo‘ldagi elektromobillarni quvvatlash shoxobchasi joylashganligi to‘g‘risida xabardor qilish uchun  6.3.3 «Elektromobillarni quvvatlash shaxobchasi» belgisi o‘rnatilishi belgilangan. Ushbu yo‘l belgisi to‘g‘ridan to‘g‘ri ushbu xizmat ko‘rsatish obyektida o‘rnatiladi.  

6.3.3 belgisi oldindan o‘rnatilishi ham mumkin. Bunday holda, ushbu obyektgacha bo‘lgan masofa belgining pastki qismida (ko‘k fonda) ko‘rsatiladi. Bundan tashqari belgi bunday shaxobcha transport vositasining yo‘nalishi bo‘ylab emas, balki yo‘ldan tashqarida joylashgan holatlarda ishlatiladi. Bunday holda,  «Elektromobillarni quvvatlash shaxobchasi» belgisi obyektga eng yaqin chorrahada o‘rnatiladi. Belgining pastki qismida strelka yordamida obyekt yo‘nalishi va ungacha bo‘lgan masofa ko‘rsatiladi.

• 6.4. «Avtomobillarga texnik xizmat ko‘rsatish joyi»

Ushbu yo‘l belgisi to‘g‘ridan-to‘g‘ri haydovchiga o‘z mashinasiga texnik xizmat ko‘rsatish imkoniyati berilgan joyning oldida o‘rnatiladi. Biroq, belgilangan belgini oldindan o‘rnatish imkoniyati bo‘lganda qo‘shimcha ravishda pastki qismida 7.1.1, 7.1.3 va 7.1.4  «Obyektgacha bo‘lgan masofa» belgilarining tasviri ham ko‘rsatilishi mumkin.

• 6.5. "Transport vositalarini yuvish joyi"

Bu belgi haydovchilarga yaqin orada joylashgan transport vositalarini yuvish joyining manzili haqida axborot beradi. Belgi bevosita yuvish joyining oldida, uning quyi qismida ko'rsatilgan masofada, yoki ularga burilish nuqtasida o'rnatiladi.

• 6.6. "Telefon"

Ushbu belgi yo'l harakati qatnashchilariga harakat yo'nalishida yoki yaqin orada joylashgan telefon aloqasining manzili haqida axborot beradi.

Belgi bevosita telefon shaxobchasi oldida, uning quyi qismida ko'rsatilgan masofada, yoki shaxobcha tomonga burilish joyida o'rnatiladi.

• 6.7. "Oshxona"

Bu belgi yo'l harakati qatnashchilariga yaqin orada joylashgan umumiy ovqatlanish joylari haqida axborot beradi. Belgi oshxona oldida, uning quyi qismida ko'rsatilgan masofada, yoki oshxona tomonga burilish joylarida o'rnatiladi. Uni asosan yirik shaharlarni bog'lovchi magistral yo'llarda uchratasiz. Demak, uzoq yo'lga chiqqan haydovchi yoki yo'lovchilar belgi o'rnatilgan joyda to'xtab, tamaddi qilib olishlari mumkin bo'ladi.

• 6.8. "Ichimlik suvi"

Ushbu belgi barcha yo'l harakati qatnashchilariga ichimlik suvi bor bo'lgan manzil haqida axborot beradi. Belgi manzil oldida, belgining quyi qismida ko'rsatilgan masofada, yoki ularga burilish joyida o'rnatiladi.

• 6.9. "Mehmonxona"

Bu belgi mehmonxona joylashgan manzil haqida axborot beradi. Yo'l harakati qatnashchilari turli sharoitlar yaratilgan ushbu mehmonxonalarda tunashlari, dam olishlari va ovqatlanishlari mumkin. "Mehmonxona" belgisi bevosita manzil oldida, belgining quyi qismida ko'rsatilgan masofada, yoki ularga burilish joylarida o'rnatiladi.

• 6.10. "Kemping"

6.10 «Kemping» yo‘l belgisi to‘rtburchak shaklli va ko‘k fonga ega, uning ichida osongina tanib olinadigan piktogramma bilan chodir tasvirlangan oq kvadrat mavjud.

Ko‘pincha «Kemping» belgisini kurort zonalari yaqinida uchratish mumkin. U haydovchiga yaqin joyda tunash uchun to‘xtash va chodir tikish mumkin bo‘lgan joy borligi haqida axborot beradi.

Albatta, chodirni boshqa joyga o‘rnatish mumkin. Ammo bu, birinchi navbatda, xavfli bo‘lishi mumkin, ikkinchidan, ko‘pincha kempinglardan tashqaridagi kurort hududlarida chodirlarni o‘rnatish taqiqlanadi va kemping hududlarida hech bo‘lmaganda ba’zi sharoitlar mavjud: suv, axlat yig‘ish uchun joy, hojatxona va ochiq havoda ovqat pishirish uchun imkoniyatlar. Shunday uchun, bu belgining talablariga amal qilgan yaxshiroq.

6.10 belgisi odatda obyektga yaqin joyda o‘rnatiladi, ammo Yo‘l harakati qoidalari ushbu belgini oldindan o‘rnatish imkoniyatini ham nazarda tutadi. Aholi punktlarida 6.10 belgisi tasvirlangan obyektdan 100-150 metr, aholi punktlaridan tashqarida esa 400-800 metr masofada o‘rnatiladi.

• 6.11. «Dam olish joyi».

“Dam olish joyi” yo‘l belgisi aynan shu yerda qisqa muddatli dam olish uchun maxsus infratuzilma yaratilgani haqida yo‘l harakati qatnashchilariga ma’lum qiladi. Bundan tashqari, belgini oldindan o‘rnatish mumkin, bunda belgiga qo‘shimcha ravishda pastki qismida 7.1.1, 7.1.3 va 7.1.4  «Obyektgacha bo‘lgan masofa» belgilarining tasviri ham ko‘rsatilishi mumkin.

• 6.12. "YPX maskani"

Ushbu belgi transport vositalari haydovchilariga zamonaviy aloqa vositalari bilan ta'minlangan Yo'l patrul xizmati maskanining manzili haqida axborot beradi. Yo'l harakati ishtirokchilari yo'l – transport hodisalari, yo'llarda paydo bo'lgan turli to'siqlar, jamoat tartibi buzilganlik holatlari yoki kerakli axborotlarni olish bo'yicha yo'l patrul xizmatiga murojaat qilishlari mumkin.