3.1. "Kirish taqiqlangan" "Kirish taqiqlangan" belgisi qo'yilgan joyga transport vositalarining kirishi taqiqlanadi. Ya'ni, ushbu belgi bir tomonlama harakat tashkil qilingan yo'llarda qarama-qarshi harakatni bekor qiladi. 3.1. belgisi o'rnatilgan joylarga faqat belgilangan yo'nalishdagi jamoat transportlari – avtobus, trolleybus, tramvay va yo'nalishli taksilargina kirishi mumkin.Boshqa transport vositalari haydovchilarini yo‘lning qarama-qarshi harakatlanish uchun mo‘ljallangan tomoniga yoki bo‘lagiga kirishi taqiqlanadi. Chunki avariya holatini yuzaga keltiradi.

3.2. "Harakatlanish taqiqlangan" Bu belgi o'rnatilgan joylarda barcha turdagi transport vositalarining harakati taqiqlanadi. Bu yo'l belgisi transport vositalarining harakatini cheklash maqsadida, dam olish maskanlari, umumfoydalanadigan hovlilar va yo'lning zarur bo'lgan boshqa qismlari oldida o'rnatiladi.Ushbu belgining belgilangan yo'nalishli jamoat transport vositalari, ya'ni avtobus, trolleybus, tramvay va yo'nalishli taksilar, nogironlar boshqaradigan motokolyaska, shu hududdagi korxonalarga xizmat ko'rsatuvchi transport vositalari, yengil va yuk taksilari, shuningdek, belgi ta'siri oralig'ida yashovchilarning transport vositalariga daxli yo'q. Ushbu transport vositalari belgilangan joyga yaqin chorrahadan kirib yoki chiqib ketishlari kerak.

3.3. "Mexanik transport vositalarining harakatlanishi taqiqlangan" Barcha turdagi mexanik transport vositalarining harakatlanishini taqiqlovchi bu belgi yashil hududlar, istirohat bog'lari kabi maskanlarning ekologiyasini asrash maqsadida o'rnatiladi. Lekin bu belgining ot-arava, velosiped, moped va belgilangan yo'nalishli jamoat transport vositalari, shuningdek nogironlar boshqaradigan motokolyaska, shu hududdagi korxonalarga xizmat ko'rsatuvchi transport vositalari, yengil va yuk taksilari, shuningdek, belgi ta'siri oralig'ida yashovchilarning transport vositalariga daxli yo'q. Ushbu transport vositalari belgilangan joyga yaqin chorrahadan kirib yoki chiqib ketishlari kerak.

3.4. "Yuk avtomobillarining harakatlanishi taqiqlangan" Bu belgi transport vositalarining to'la vazni ko'rsatilgan yoki ko'rsatilmagan shakl ko'rinishida bo'ladi. Agar belgida vazni ko'rsatilmagan bo'lsa, to'la vazni 3,5 tonnadan ortiq bo'lgan yuk avtomobillari va tizimli transport vositalari, traktorlar, o'zi yurar mashina hamda mexanizmlarning ushbu belgi o'rnatilgan yo'llarda harakatlanishi taqiqlanadi. Bu belgi bortlariga oq qiya chiziq tortilgan maxsus yuk avtomobillari, yuk taksilari, odamlarni tashiyotgan, shuningdek, shu belgi ta'sir doirasida xizmat ko'rsatayotgan yuk avtomobillarining harakatlanishini taqiqlamaydi Ushbu yuk avtomobillari belgilangan joyga yaqin chorrahadan kirib yoki chiqib ketishlari kerak.

3.5. "Motosikllar harakatlanishi taqiqlangan" Yo'lning ma'lum bir qismlariga o'rnatilgan bu belgi barcha turdagi motosikllarning harakatini taqiqlaydi, ammo u ta'sir oralig'ida yashovchi va shu hududga xizmat qiluvchi motosikllarga daxldor emas. Serqatnov yo'llarda motosikllarning transport vositalari harakatiga xalaqit berishining oldini olish va ortiqcha shovqindan saqlanish maqsadida ushbu yo'l belgisi o'rnatiladi.. Ushbu mototsikllar belgilangan joyga yaqin chorrahadan kirib yoki chiqib ketishlari kerak.

3.6. "Traktorlar harakatlanishi taqiqlangan" Bunday belgi o'rnatilgan yo'llarda barcha turdagi traktorlar, o'zi yurar mashina va mexanizmlarning harakatlanishi taqiqlanadi. Traktorlar serqatnov yo'llarda transport vositalari harakatiga xalaqit berishi, yo'l qoplamasiga zarar yetkazishi va uni ifloslantirishi mumkin. Ana shunday holatlarning oldini olish maqsadida ma'lum yo'llarda ularning harakati taqiqlab qo'yiladi.Lekin bu belgi ta'sir oralig'ida yashovchi fuqarolarga tegishli va shu hududga xizmat qiluvchi traktorlarga daxldor emas.Ushbu traktorlar belgilangan joyga yaqin chorrahadan kirib yoki chiqib ketishlari kerak

3.7. "Tirkama bilan harakatlanish taqiqlangan" Bu belgi tirkamali transport vositalari, avtopoyezdlarning harakatlanishi va manyovr qilishi qiyin bo'lgan tor ko'chalar oldida o'rnatiladi.Yuk tashuvchi transport vositalari, traktorlarning barcha turdagi tirkamalar bilan harakatlanishi, shuningdek, mexanik transport vositalarining har qanday usul bilan shatakka olib harakatlanishini taqiqlaydi.Belgining tirkamali yengil avtomobillarga, ta'sir oralig'idagi hududga xizmat ko'rsatayotgan va istiqomat qilayotganlarning tirkamali transport vositalariga daxli yo'q.Ushbu tirkamali transport vositalari belgilangan joyga yaqin chorrahadan kirib yoki chiqib ketishlari kerak.

3.8. "Ot – arava harakatlanishi taqiqlangan" Mexanik transport vositalarining harakatini yengillashtirish maqsadida bunday belgi o'rnatilgan yo'llarda, ot - aravalar, otliqlar, yuk ortilgan hayvonlarning harakatlanishi, shuningdek, mol, podani haydab o'tish taqiqlanadi. Bu belgining ta'sir oralig'ida yashovchi va xizmat ko'rsatuvchilarga daxli yo'q.Ushbu ot-aravalar belgilangan joyga yaqin chorrahadan kirib yoki chiqib ketishlari kerak.

3.9. "Velosipedda harakatlanish taqiqlangan" Bu belgi yo'l – transport hodisalarining oldini olish maqsadida o'rnatilgan bo'lib, serqatnov yo'llarda velosiped, motovelosiped va mopedlarning harakatlanishini taqiqlaydi. Chunki harakatlanishda velosiped (moped)lar to‘sqinlik tug‘diradi, ularning haydovchilari esa xavf ostida bo‘ladilar.

3.10. "Piyodalarning harakatlanishi taqiqlangan" Bu belgi yo'l yoqasida qurilish, ta'mirlash ishlari olib boriladigan joylarda piyodalarning xavfsizligini ta'minlash maqsadida yo'l chetiga, ya'ni trotuarlarga o'rnatiladi va piyodalarning harakatlanishini taqiqlaydi. Bunday vaziyatda, piyoda yo'lning boshqa xavfsiz tomonidan yurishi yoki o'tishi kerak.Belgi yo‘lning qaysi tomoniga o‘rnatilgan bo‘lsa, unga faqat o‘sha tomonda amal qilinadi

3.11. "Vazn cheklangan" Bu belgi ko'tarish imkoniyati cheklangan ko'prik, estakadalar va boshqa sun'iy inshootlar oldida o'rnatiladi. Belgi haqiqiy umumiy vazni yo'l belgisida ko'rsatilganidan ortiq bo'lgan barcha transport vositalarining harakatlanishini taqiqlaydi. Aks holda, bu ko'ngilsiz oqibatlarga olib kelishi mumkin.

3.12. "O'qqa tushadigan og'irlik cheklangan" Bu belgi avtomobil yo'llarining qoplamasi yupqa bo'lgan qismlari oldida o'rnatiladi. Yo'l qoplamasiga og'ir transport vositalari zarar yetkazmasligi uchun, birorta o'qiga tushadigan haqiqiy og'irligi yo'l belgisida ko'rsatilganidan yuqori bo'lgan barcha transport vositalarining harakatlanishini taqiqlaydi. Bu belgiga rioya qilishda haydovchilar transport vositalarining tasnifiga ko'ra, yengil avtomobillarda haqiqiy og'irligi ikki o'qqa shartli ravishda teng taqsimlanishini, ikki o'qli yuk avtomobillarda esa, haqiqiy og'irligini oldingi o'qqa 1/3, orqa o'qqa 2/3 qismi tushishini va uch o'qli avtomobillarda esa, haqiqiy og'irlik uchala o'qqa teng taqsimlanishini bilishlari kerak.

• 3.13. "Cheklangan balandlik"

Ushbu belgi balandligi cheklangan tonnel, ko'prik, estakadalar, yuqori kuchlanishli elektr toki o'tkazgichlari va turli kommunikatsion qurilmalar ostidan o'tgan yo'llar oldida o'rnatiladi. Gabarit balandligi belgida ko'rsatilgandan ortiq bo'lgan transport vositalarining harakatlanishini taqiqlaydi.

Eslatib o'tamiz, belgi bo'lmagan taqdirda, yo'l harakati qoidasiga ko'ra, transport vositalarining ruxsat etilgan gabarit balandligi 4 metr qilib belgilangan.

Transport vositasining gabarit balandligini hisobga olmay, taqiqlangan yo'ldan harakatlanishi yo'l inshootlariga shikast yetkazishi, yuqori kuchlanishli elektr toki o'tkazgichlarini uzib yuborishi va boshqa qator ko'ngilsizliklarni keltirib chiqarishi mumkin.

• 3.14. "Cheklangan kenglik"

Ushbu belgi tor yo'lak, tonnel, ko'prik va estakadalar oldida o'rnatiladi hamda gabarit kengligi belgida ko'rsatilganidan ortiq bo'lgan transport vositalarining harakatini taqiqlaydi. 

Gabarit kengligi tor yo'llardan yurish imkoniyatini bermaydigan transport vositalarining ushbu belgiga amal qilmasligi oqibatida yo'l inshootlariga shikast yetishi, boshqa transport vositalari harakatiga xavf solishi mumkin.

Tegishli ruxsatnomasi bo‘lmay turib yirik gabaritli transport vositalari bilan yo‘lga chiqish yoki ruxsatnomada ko‘rsatilgan harakat yo‘nalishidan chetga chiqish taqiqlanadi.

• 3.15. "Cheklangan uzunlik"

Ushbu belgi uzun transport vositalarining ko'p burilishli tor ko'chalarda harakatlana olmasligi va boshqa harakat ishtirokchilariga xalaqit bermasligi maqsadida o'rnatiladi.

Bu belgi gabarit uzunligi (yuk bilan yoki yuksiz) belgida ko‘rsatilgandan uzun bo‘lgan transport vositalarining harakatlanishini taqiqlaydi. 

• 3.16. "Eng kam oraliq"

Ushbu belgi usti muzlik bilan qoplangan joylar, sirpanchiq yo‘llar, tog‘li yo‘llar, ko‘tarish imkoniyati cheklangan uzun ko‘priklar, nazorat punktlari oldida o‘rnatiladi. 

Belgida ko‘rsatilganidan kam oraliq masofada harakatlanish taqiqlanadi. Bunday joylarda transport vositasi haydovchilari ehtiyot choralarini ko‘rgan holda, oraliq masofani saqlab, o‘z yo‘nalishlari bo‘yicha harakatlanishni davom ettirishlari mumkin. 

Belgi o‘rnatilgan joydan keyingi eng yaqin chorrahagacha, chorrahasi bo‘lmagan aholi punktlarida aholi yashaydigan hududning oxirigacha yoki 7.2.1 qo‘shimcha axborot belgisi bilan belgilangan joygacha ta’sir qiladi.

• 3.17.1. "Bojxona"

Ushbu belgi bojxona posti oldida o'rnatiladi. Haydovchilar kerakli hujjatlarni rasmiylashtirish uchun post oldida majburiy ravishda to'xtab o'tishlari shart. Transport vositasi haydovchilarining bojxona oldida to'xtamasdan o'tishlari taqiqlanadi.

• 3.17.2. «Xavf-xatar». 

Bu belgi yo‘l-transport hodisasi yoki boshqa xavfli holatlar, ya’ni qor ko‘chishi, yo‘lni suv bosishi, ko‘prikni suv olib ketishi, radiatsiya, zaharli gazlar tarqalishi, shu bilan birga, boshqa tabiiy va texnogen ofatlar yuz bergan yo‘l qismlari oldida o‘rnatiladi. 

Ushbu yo‘l belgisi barcha transport vositalarining xavfli hududdan harakatlanishlarini taqiqlaydi.

• 3.18.1. «O‘ngga burilish taqiqlangan».

Bu belgi yo‘l kesishmasi oldida o‘rnatiladi. Taqiqlovchi ushbu belgi yo‘nalishli transport vositalari, ya’ni avtobus, trolleybus, tramvay va yo‘nalishli taksilardan boshqa barcha transport vositalarining o‘ngga burilishini taqiqlaydi. Belgi o‘rnatilgan kesishmaning o‘zigagina ta’sir qiladi

• 3.18.2. "Chapga burilish taqiqlanadi".

Bu belgi qatnov qismlarining qaysi kesishmasi oldiga o'rnatilsa, shu kesishmaga tatbiq etiladi va belgiga amal qilish yo'nalishli transport vositalariga ta'sir qilmaydi.

• 3.19. “Qayrilish taqiqlangan”  

Belgisi manevrni bajarish qiyin bo‘lgan yoki boshqa transport vositalarining harakati uchun xavf tug‘diradigan chorrahalarda qayrilishni taqiqlash uchun qo‘llanilishi kerak. U chorrahalar orasidagi yo‘l uchastkalarida ajratuvchi mintaqadagi bo‘shliqlar orqali qayrilishlarni taqiqlash uchun ishlatilmasligi kerak.Bu belgi o‘rnatilgan joyda faqat qayrilib olish taqiqlanadi, chapga burilish taqiqlanmaydi. Ushbu belgi talablariga amal qilmagan haydovchi, qayrilib olish boshqa transport vositalarining harakati uchun xavf tug‘diradigan chorrahada yo‘l-transport hodisasini keltirib chiqarishi mumkin.

• 3.20. «Quvib o‘tish taqiqlangan» 

belgisi harakat jadalligi yuqoriligi, qatnov qismi kengligi sababli transport vositalarining quvib o‘tishi qarama - qarshi yo‘nalishdagi yoki yo‘lakay yo‘nalishdagi boshqa transport vositalarining harakatlanishi uchun xafv tug‘dirishi mumkin bo‘lgan holatlarda qo‘llaniladi. 3.20. «Quvib o‘tish taqiqlangan» belgisi, shuningdek, ko‘rinish cheklangan joylarda o‘rnatilishi mumkin, bunda belgining ta’sir oralig‘i yo‘lning xavfli hududi bilan belgilanadi.

• 3.21. «Quvib o‘tish taqiqlangan hududning oxiri».

Bu belgi 3.20. «Quvib o‘tish taqiqlangan» belgisi bilan qo‘yilgan, soatiga 40 km dan kam tezlikda harakatlanayotgan yakka transport vositasidan boshqa transport vositalarini quvib o‘tish taqiqlangan cheklovni bekor qiladi. Belgidan so‘ng yo‘lning ushbu qismida harakatlanayotgan transport vositalari barcha turdagi transport vositalarini qoidada belgilangan tartibda quvib o‘tishi mumkin.

• 3.22. "Yuk avtomobillarida quvib o‘tish taqiqlangan"

Ushbu belgi ruxsat etilgan to‘la vazni 3.5 tonnadan ortiq bo‘lgan yuk avtomobillarida barcha transport vositalarini quvib o‘tishni taqiqlaydi. Lekin soatiga 40 km.dan kam tezlikda yakka tartibda harakatlanayotgan transport vositalarini quvib o‘tishga ruxsat etiladi. Bu belgi birinchi chorrahagacha va 3.23. "Yuk avtomobillarida quvib o‘tish taqiqlangan hududning oxiri" belgisi o‘rnatilgan joygacha amal qiladi. Agar chorraha va "Yuk avtomobillarida quvib o‘tish taqiqlangan hududning oxiri" yo‘l belgisi bo‘lmasa, belgining aholi yashaydigan joylarning oxirigacha amal qiladi.

Transport vositalarini quvib o‘tish qoidasini buzgan haydovchi eng kam oylik ish haqining 0,5 baravari miqdorida jarimaga tortiladi.

• 3.23. "Yuk avtomobillarida quvib o‘tish taqiqlangan hududning oxiri"

Bu belgi transport vositalariga 3.22. "Yuk avtomobillarida quvib o‘tish taqiqlangan" belgisi bilan qo‘yilgan cheklovni bekor qiladi. Yo‘lning bu qismida harakatlanayotgan yuk avtomobillari barcha turdagi transport vositalarini qoidada belgilangan tartibda quvib o‘tishi mumkin.

• 3.24. "Yuqori tezlik cheklangan"

belgisi doira shaklida va unda yo‘lning ushbu qismida ruxsat etilgan maksimal tezlik ko‘rsatilgan qizil hoshiyali oq fonga ega. 3.24 «Yuqori tezlik cheklangan» belgisi ko‘rsatilganidan ortiq tezlikda (km/s) harakatlanish taqiqlanishini bildiradi.

Yo‘l-transport hodisalarining eng ko‘p uchraydigan sabablaridan biri bu tezlikni oshirishdir. Shu sababli transport vositalarining tezligini cheklash yo‘l harakati xavfsizligini ta’minlashning eng muhim chorasidir. Shuning uchun 3.24 belgisi amaliyotida eng ko‘p qo‘llaniladigan belgilardan hisoblanadi. Belgining talablari juda oddiy: har qanday transport vositasining haydovchisiga belgida belgilangan maksimal tezlik chegarasidan oshib ketishi qat’iyan man qilinadi.

«Yuqori tezlik cheklangan» belgisining ta’sir oralig‘iga kelsak, u to‘g‘ridan to‘g‘ri belgi joylashgan joydan boshlanadi. Ammo bu hududning oxiri bir necha usullar yordamida ko‘rsatilishi mumkin.

Birinchidan, «Yuqori tezlik cheklangan» belgisi harakatlanish yo‘nalishida yangi tezlikni cheklovchi belgi o‘rnatilmagan bo‘lsa keyingi chorrahalarda yoki aholi punkti oxirida ta’sirini to‘xtatadi. Yangi aholi punktining boshlanishi ham belgi tugaydigan joy bo‘lishi mumkin. Ikkinchidan, 3.24 belgisining ta’sir oxiri 3.25 «Yuqori tezlik cheklangan hududning oxiri» belgisi yoki 3.31 «Barcha cheklovlarning oxiri» belgisi bilan belgilanishi mumkin.

Uchinchidan, belgi ta’siri shu turdagi boshqa tezlik chegarasi ko‘rsatilgan, belgining o‘rnatilishi orqali tugatilishi mumkin. To‘rtinchidan, 3.24 belgisining ta’sir oralig‘i 7.2.1 «Ta’sir oralig‘i» qo‘shimcha axborot belgisi bilan ko‘rsatilishi mumkin, bu belgining aniq ta’sir masofasini ko‘rsatadi.

• 3.25. "Yuqori tezlik cheklangan hududning oxiri"

3.25 «Yuqori tezlik cheklangan hududning oxiri» belgisi qora hoshiyali doira shaklida bo‘lib, oq fonda kulrang rangda oldin o‘rnatilgan 3.24 belgidagi raqamlar ko‘rsatilgan va beshta ingichka dioganal chiziqlar chizilgan.  

3.24 «Yuqori tezlik cheklangan» belgisi ta'sir oxirini ko‘rsatuvchi usullardan biri, bu 3.25 «Yuqori tezlik cheklangan hududning oxiri» belgisini o‘rnatish hisoblanadi. 3.25 «Yuqori tezlik cheklangan hududning oxiri» belgisi 3.24 «Yuqori tezlik cheklangan» belgisining ta'sirini keyingi chorrahagacha yoki aholi punktining oxirigacha davom ettirishga zarurat qolmagan holatlarda o‘rnatiladi.  

Biroq tezlik chegarasining bekor qilinishi haydovchi o‘zi uchun qulay bo‘lgan istalgan tezlikda harakatlana oladi, degani emas, chunki yo‘llarda belgilangan tezlik chegaralari mavjud. Masalan, yengil avtomobillar va ruxsat etilgan to‘la vazni 3,5 tonnadan ortiq bo‘lmagan yuk avtomobillariga aholi punktlarida 70 km/soatdan oshirib, aholi punktlaridan tashqarida 100 km/soatdan yuqori, turar joy dahalarida esa 20 km/soatdan yuqori tezlikda harakatlanish taqiqlanadi. Turli toifadagi transport vositalari uchun yuqori tezlik ko‘rsatkichlari turli xil.

Har ikki yo‘nalishda harakatlanish uchun bir, ikki yoki uch tasmali yo‘llarda 3.25 belgisi faqat yo‘lning chap tomonida, qarama-qarshi yo‘nalishda harakatlanadigan transport vositalarining haydovchilari uchun mo‘ljallangan 3.24 belgisining teskari tomonida o‘rnatilishi mumkin.

«Yuqori tezlik cheklangan hududning oxiri» belgisi nafaqat yo‘lning chap tomoniga, balki o‘ng tomoniga ham o‘rnatilishi mumkin. Bu haydovchiga «Yuqori tezlik cheklangan» belgisining ta'siri tugaganligi to‘g‘risida tezda xabardor qilish uchun amalga oshiriladi.

• 3.26. "Tovush moslamalaridan foydalanish taqiqlangan"

Bu belgi yo'l-transport hodisasining oldini olish hollaridan boshqa vaziyatlarda, tovush moslamalaridan foydalanishni taqiqlaydi. Ushbu belgi aholi yashash joylaridan tashqarida, dam olish uylari, kasalxonalar, sanatoriyalar, bolalar dam olish oromgohlari oldida o'rnatiladi. Aholi yashaydigan joylarda belgi o'rnatilmasada, sababsiz tovush moslamalaridan foydalanish taqiqlangan.

Yo'l belgilari qoidalariga amal qilmaganlik uchun eng kam ish haqining 0,5 baravari miqdorida jarima belgilanadi.

• 3.27 «To‘xtash taqiqlangan» 

belgisi qizil hoshiyali doira shaklida. Biroq belgi foni oq emas ko‘k rangda. Belgi doirasi bo‘ylab X (iks) shaklida ikkita qizil rangli dioganal chiziqlar tortilgan.

3.27 «To‘xtash taqiqlangan» yo‘l belgisi yo‘l harakati qatnashchilariga ushbu joyda to‘xtashga ruxsat etilmaganligini bildiradi. Ushbu belgi avtomobillarning boshqa transport vositalariga xalaqit bermasligini ta’minlash uchun o‘rnatiladi.

Avtomobil – bu harakatlanish uchun mo‘ljallangan qurilma. Ammo ba’zida avtomobil ham to‘xtashi kerak. Yo‘l harakati qoidalarida bunday holatlar to‘xtash yoki to‘xtab turish deb ataladi. Shunday vaziyatlar bo‘ladiki, ba’zan avtomobillar yo‘lning u yoki bu qismida noo‘rin to‘xtashadi, chunki, bu boshqa avtomoballar harakatiga to‘sqinlik tug‘dirishi, tirbandlikka yoki yo‘l – transport hodisasiga sabab bo‘lishi mumkin.

Avtotransport vositalarini to‘xtash yoki to‘xtab turishi taqiqlangan holatlar Yo‘l harakati qoidalarida batafsil ko‘rsatilgan. Biroq, qandaydir joylarda to‘xtash taqiqlanishi kerak bo‘lgan holatlar bo‘lishi mumkin. Bunday joylar 3.27 «To‘xtash taqiqlangan» yo‘l belgisi bilan belgilanadi.

• 3.28. "To'xtab turish taqiqlangan"

Transport vositalarining to‘xtab turishi taqiqlanadi                       xizmat vazifasini bajarayotgan xodimga biriktirilgan ko‘k yoki qizil yoxud ko‘k va qizil rangli yaltiroq mayoqchasi bilan jihozlangan hamda maxsus rangli bo‘yoq sxemalar va yozuvlar bilan belgilangan transport vositalari bundan mustasno).Ushbu Qoidalarning 176-bandiga binoan «Nogiron» tanish belgisi bilan belgilangan avtomobillar va kajavali mototsikllarni boshqarayotgan nogiron haydovchilar belgi talablaridan chetga chiqishlari mumkin. Bu belgi taksometri ishlab turgan taksilarga taalluqli emas.

• 3.29. "Oyning toq kunlarida to'xtab turish taqiqlanadi" va 3.30. "Oyning juft kunlarida to'xtab turish taqiqlanadi"

3.29 «Oyning toq kunlarida to‘xtab turish taqiqlangan» belgisi qizil chiziq tortilgan, qizil hoshiyali ko‘k fon va uning markazida vertikal oq chiziq tortilgan ko‘rinishga ega.

3.29 «Oyning toq kunlarida to‘xtab turish taqiqlangan» belgisi oyning oq kunlarida (sanalarida) transport vositalarining belgi ta'sir oralig‘ida to‘xtab turishini taqiqlaydi.

3.29 belgisi odatda qarama-qarshi harakatlanayotgan transport vositalarini aylanib o‘tish qiyin bo‘lishi mumkin bo‘lgan yo‘llarning tor hududlarida, shuningdek, ma'muriy binolar, turli muassasalar, supermarketlar va boshqa joylarda transport vositalarining to‘xtab turishi zurur bo‘lgan joylarda o‘rnatiladi. Yo‘lning ikki tomonida to‘xtab qolgan avtomobillar harakatga sezilarli darajada to‘sqinlik qilishi mumkin, ayni paytda yo‘lning faqat bir tomonida to‘xtab turish, transport harakati uchun muammo tug‘dirmaydi. Shuning uchun 3.29 «Oyning toq kunlarida to‘xtab turish taqiqlangan» belgisi ko‘pincha yo‘lning bir tomoniga, ikkinchi tomoniga esa 3.30 «Oyning juft kunlarida to‘xtab turish taqiqlangan» belgisi o‘rnatiladi. Shunday qilib, ma'lum bir muvozanatga erishiladi va transport vositalari mumkin qadar to‘siqsiz harakatlana oladi.

• 3.30. «Oyning juft kunlarida to‘xtab turish taqiqlangan»

3.30 «Oyning juft kunlarida to‘xtab turish taqiqlangan» belgisi qizil chiziq tortilgan, qizil hoshiyali ko‘k fon va uning markazida  ikkita vertikal oq chiziqlar tortilgan ko‘rinishga ega.

3.30 «Oyning juft kunlarida to‘xtab turish taqiqlangan» belgisi oyning juft kunlarida (sanalarida) transport vositalarining belgi ta'sir oralig‘ida to‘xtab turishini taqiqlaydi.

3.30 belgisi odatda qarama-qarshi harakatlanayotgan transport vositalarini aylanib o‘tish qiyin bo‘lishi mumkin bo‘lgan yo‘llarning tor hududlarida, shuningdek, ma'muriy binolar, turli muassasalar, supermarketlar va boshqa joylarda transport vositalarining to‘xtab turishi zurur bo‘lgan joylarda o‘rnatiladi. Yo‘lning ikki tomonida to‘xtab qolgan avtomobillar harakatga sezilarli darajada to‘sqinlik qilishi mumkin, ayni paytda yo‘lning faqat bir tomonida to‘xtab turish, transport harakati uchun muammo tug‘dirmaydi. Shuning uchun 3.29 «Oyning toq kunlarida to‘xtab turish taqiqlangan» belgisi ko‘pincha yo‘lning bir tomoniga, ikkinchi tomoniga esa 3.30 «Oyning juft kunlarida to‘xtab turish taqiqlangan» belgisi o‘rnatiladi. Shunday qilib, ma'lum bir muvozanatga erishiladi va transport vositalari mumkin qadar to‘siqsiz harakatlana oladi.

• 3.31. "Barcha cheklovlarning oxiri"

Haydovchidan bu belgining mazmunini chuqurroq tushunib olishi talab etiladi. Garchand bu belgi barcha cheklovlarning oxiri deb nomlansada, amalda 3.16. "Eng kam oraliq", 3.20. "Quvib o'tish taqiqlanadi", 3.22 "Yuk avtomobillarida quvib o'tish taqiqlangan", 3.24. "Yuqori tezlik cheklangan", 3.26. "Tovush moslamalaridan foydalanish taqiqlangan", 3.27. "To'xtash taqiqlangan", 3.28. "To'xtab turish taqiqlangan", 3.29. "Oyning toq kunlarida to'xtab turish taqiqlanadi", 3.30. "Oyning juft kunlarida to'xtab turish taqiqlanadi" yo'l belgilaridan birini, yo bir nechtasiga bir vaqtda amal qiladigan oraliqlarning oxirini bildiradi va yuqoridagi yo'l belgilarining ta'sir doirasini kesishmadan avvalroq tugatish uchun ishlatiladi.

• 3.32. «Xavfli yuk tashiyotgan transport vositasining harakatlanishi taqiqlangan»

Ushbu belgi o‘rnatilgan joydan keyingi eng yaqin chorrahagacha, chorrahasi bo‘lmagan aholi punktlarida aholi yashaydigan hududning oxirigacha ta’sir qiladi. Yo‘lga tutash hududlardan dala va o‘rmonlarning yo‘l bilan tutashgan hamda ikkinchi darajali yo‘llardan chiqish joylarida, ularning oldiga tegishli belgilar o‘rnatilmagan bo‘lsa, bu belgilarning ta’siri yo‘qolmaydi.

• 3.33. «Portlovchi va tez alangalanuvchi yukni tashiyotgan transport vositasining harakati taqiqlangan»

Ushbu belgi o‘rnatilgan joydan keyingi eng yaqin chorrahagacha, chorrahasi bo‘lmagan aholi punktlarida aholi yashaydigan hududning oxirigacha ta’sir qiladi. Yo‘lga tutash hududlardan dala va o‘rmonlarning yo‘l bilan tutashgan hamda ikkinchi darajali yo‘llardan chiqish joylarida, ularning oldiga tegishli belgilar o‘rnatilmagan bo‘lsa, bu belgilarning ta’siri yo‘qolmaydi.

• 3.17.3. «Nazorat joyi».

3.17.3 «Nazorat joyi» yo‘l belgisi dumaloq shaklga va qizil hoshiyali oq fonga ega. Unda qora harflar bilan «STOP» va «NAZORAT» so‘zlari yozilgan.

3.17.3 «Nazorat joyi» belgisi transport vositalarining tekshirib o‘tkazilishi majburiy bo‘lgan vaqtincha yoki doimiy nazorat punktlarida o‘rnatiladi.  

3.17.3 belgisi haydovchining yo‘lda joylashgan nazorat punktida to‘xtamasdan o‘tishini taqiqlash zarurati bo‘lgan hollarda qo‘llaniladi. Bunday punkt YPX (Yo‘l-patrul xizmati) maskani yoki karantin posti bo‘lishi mumkin. 3.17.3 belgisi chegara hududlari oldida ham o‘rnatilishi mumkin.

Ushbu belgi, shuningdek, pullik yo‘llar yoki xususiy yo‘llardagi pullik punktlarga kirish joylarida ham o‘rnatilishi mumkin.

Ushbu belgi transport vositasini to‘xtash chizig‘ida to‘xtatish va agar to‘xtash chizig‘i bo‘lmasa, u holda belgidan yo‘lni perpendikulyar ravishda kesib o‘tadigan xayoliy chiziqda (ya’ni belgining to‘g‘risida) to‘xtatishni talab qiladi.

«Nazorat joyi» belgisi ta’sir oralig‘ida haydovchilarning xatti-harakati bojxona punkti orqali harakatlanishdagi kabi bo‘lishi kerak. Haydovchi nazorat posti xodimlarining barcha qonuniy talablariga rioya qilishi, ularga tekshirish va qidiruv o‘tkazish imkoniyatini ta’minlashi hamda ularning ruxsati bilan harakatni to‘g‘ri yo‘nalishda davom ettirishi shart.

Odatda  «Nazorat joyi» belgisi to‘g‘ridan to‘g‘ri nazorat punktida o‘rnatiladi. Ammo ba’zi hollarda uni oldindan takrorlash mumkin. Bunday holda, 3.17.3  belgisi,  7.1.1 «Obyektgacha bo‘lgan masofa» qo‘shimcha axborot belgisi bilan birga o‘rnatiladi.